CSOA La Reflexón,
Avda. Príncipe d’Asturies 19, La Calzada, XIXÓN
Miércoles 1, inauguración: Charra-coloquiu: PASÁU Y PRESENTE DE LA LLUCHA OBRERA N’ASTURIES, con Rubén Vega.
Nel tardofranquismu, el movimientu obreru asturianu alcontrábase a la ofensiva, articuláu y desarrolláu. Güei, alcuéntrase destrozáu, tres les reconversiones, les deslocalizaciones, la atomización y, en definitiva, por too aquello que transformó a la clase obrera, rompió la so cohesión y fuerza, los sos lazos de solidaridá y convivencia. De les distancies que medien ente’l movimientu obreru d’aquella dómina y l’actual, falaremos nesti coloquiu d’inauguración.
Rubén Vega ye historiador y n’actualidá imparte clase na Facultá d’Historia. Especializáu na historia del movimientu obreru, tien investigao, ente otres coses, sobre la huelga minera del 62, el movimientu obreru xixonés, la reconversión en Xixón y les sos consecuencies o la historia de sindicatos como la CSI o les CC OO d’Asturies.
Xueves 2, proyección: LA CUADRILLA, de Ken Loach.
Un grupu de la empresa pública de ferrocarriles formen una cuadrilla de mantenimientu. Pero los sos puestos de trabayu corren pelligru, lo que camudará la so habitual camaradería en inestabilidá y individualismu. La cuadrilla espón de buena manera la indefensión a la que mos vemos abocaos los trabayaores nos tiempos que corren, enfrentaos a privatizaciones y subcontrataciones.
Llunes 6, charra: LA HUELGA DE CENSA, con Juan Manuel Martínez Morala.
A finales de 1979 y principios de 1980, los trabayaores de la empresa pontevedresa Censa, perteneciente a Duro Felguera, viéronse abocaos a una regulación d’empléu que suponía’l cierre de la empresa por nun ser rentable, quedando na cai unos 500 trabayaores. Dende Asturies desarrollose por tres meses una huelga de solidaridá con Censa, nos centros de Duro Felguera del Dique de Xixón y el taller de Barros, que lluchó pola integración inmediata de la plantilla de Censa al grupu DF y el rechazu a los despidos.
Juan Manuel Martínez Morala trabayaba d’aquella nel Dique de Duro Felguera en Xixón y tuvo un papel destacáu nel conflictu dende la so posición de sindicalista del metal na Corriente d’Izquierda de CC OO.
Martes 7, charra: LES LLUCHES NA MINERÍA, con “Pola”.
Históricamente, la minería foi’l sector que dio fama y representaba al movimientu obreru asturianu. Nos años 80 y 90 tuvieron llugar una serie de lluches contra la reconversión del sector que desbordaron, con frecuencia, los cauces establecíos polos sindicatos del capital. Una llucha que terminó siendo comprada a base de prexubilaciones millonaries, droga y represión.
“Pola” foi durante años el responsable de la Sección Sindical de la CSI na minería y foi testigu de los últimos coletazos de llucha d’un sector emblemáticu.
Miércoles 8, charra-coloquiu: RECONVERSIÓN Y LLUCHA SOCIAL NOS ASTILLEROS DE XIXÓN (1975-2000), con Rubén Vega y trabayaores d’astilleros.
La llucha contra la reconversión naval ye otru de los puntales más emblemáticos nel movimientu obreru asturianu, en buena midía hasta los nuesos díes. Esti cuartu de siglu contempló una llucha que, si bien nun pudo evitar tolos cierres, consiguió mantener l’actividá nun sector que fai 25 años taba abocáu al cierre inmediatu. Esta llucha prolongada contó en munches ocasiones cola partipación y solidaridá d’una parte importante del pueblu de Xixón, sobre too nos barrios más directamente afectaos como La Calzada o El Natahoyu.
Xueves 9: presentación y proyección del cortometraxe LLUVINA col so director Xuan Lluis Ruíz.
Lluvina ye’l retratu de les cuenques mineres. Fala sobre la identidá d’estes zones y sobre un mundu perdíu. Sigue’l mesmu camín d’esi mundu, entama y fina cuando lo fae ésti. Nun ye una visión necesariamente pesimista, ya que fala d’avanzar. Ye’l reflexu d’una etapa qu’acabó marcada por una ideoloxía y un compromiso perfuerte por parte los sos protagonistes; d’una llucha sindical y el trabayu por llograr con un determináu coleutivu el desarrollu d’unes idees de solidaridá pa llegar a consiguir un compromisu común. Esi mundu ye la mina, y tolo consiguío a nivel humanu desapaeció col final d’esi universu.
Vienres 10, charra: LA LLUCHA DE LES TRABAYAORES D’IKE, con Ana Carpintero.
Dende mediaos de los años 80 hasta mediaos de los 90, les trabayaores de la fábrica de camises d’IKE, en Xixón, sostuvieron una llucha heroica pola dignidá, los puestos de trabayu y contra la incompresión d’una sociedá marcada pol machismu, incapaz de comprender que les muyeres tamién sabíen y podíen lluchar polo suyo, salir a la cai, quemar barricaes y enfrentase a la policía.
Ana Carpintero, trabayaora d’IKE hasta la so desapaición, foi testigo de too ello.
Toles actividaes entamen a les 19:30.
En casu de “problemes” col llocal, les actividaes treslladaránse a otros espacios.
NA SEGUNDA QUINCENA D’OCHOBRE, MUNCHO MÁS:
CIATA, DURO FELGUERA, ALIMERKA, OBREROL, LAVACHEL, ACEROS DEL ARAMO, MEDIU AMBIENTE, ASESORÍA LLABORAL, INMIGRACIÓN, FOLIXA PROLETARIA, MONÓLOGOS, TONADA…
+INFO:
WWW.FLEXTRICIA.NET
http://OCHOBREOBRERU.BLOGSPOT.COM
